Ds. Tinus Smidt

Die boek Handelinge word in die Bybel aangedui as “Die Handelinge van die apostels”. In werklikheid verduidelik Lukas dat hy nou ‘n vervolg skryf op die evangelie. Hy wil vertel wat die Here Jesus sedert sy hemelvaart gedoen het. Dit gaan dus ten diepste oor die handelinge van Jesus Christus ondermeer deur sy apostels.

Krisistye, lewensbedreigende tye – Dawid soek leiding by sy raadgewers. Die advies: “Vlug na die berge toe.” Dawid stel egter onomwonde: “Ek skuil by die HERE …”

‘n Volk in ellende – die ellende van ballingskap. Ballingskap was vir hulle die onbegryplike werklikheid. Hoe kon God dit toelaat – uit jou vaderland in die vreemde en agter jou die puin van ‘n verwoeste stad en tempel? Waar is God?

Uit Jerigo het Hy met sy dissipels en ‘n groot skare na Jerusalem gegaan. Soos die dissipels het ook die skare nie verstaan dat die Here gaan om te sterf nie. Hulle wou Hom koning maak. Die Here het hulle geleer om te glo en te dien, maar die insig het ontbreek.

Ons is kerk van Jesus Christus en die Heilige Gees woon in ons. Maar hoe ervaar en beleef jy die Gees van die Here in jou geloofslewe? Is die Heilige Gees ‘n werklikheid vir jou – God in jou! Kan jy daarvan vertel?

Lukas, vol van die Heilige Gees, bring ons tuis by ‘n besondere fees – Pinksterfees.

Twee rowers en sondaars en tussen hulle die sondelose regverdige God en ons Verlosser! Hulle is saam met Hom en tog van mekaar geskei. Jesus Christus hang tussen hulle. Wat beteken dit vir jou en my?

Ons bely in die Heidelbergse Kategismus Sondag 15: “Dat Christus na liggaam en siel tydens sy hele lewe op aarde, maar veral aan die einde daarvan, die toorn van God teen die sonde van die hele menslike geslag gedra het…” Lukas trek die gordyn vir ons oop oor een van die aspekte van sy vernederende liggaamlike lyde in ons plek.

Wat is my doel op aarde? Om God te prys!
Hoekom? Want Hy het my in Christus voorbestem om sy kind te wees.

Ons het die jaar 2025 betree. Watter lotgevalle wag op ons? Dit is onbekend. Jesus se dissipels het voor ‘n onbekende tyd te staan gekom. Dit was die vooraand van Jesus se vervolging, tog was hulle in die bokamer waar Jesus die nagmaal ingestel het.

Die Desember uitgawe van Die Kerkblad behandel die lofsange rondom Christus se koms na die aarde. Hy is gebore uit die maagd Maria. In ‘n bundel van ses lofsange word God se grootheid besing.

In die feesmaand is ons gefokus op die wonder van God wat mens geword het en onder ons kom woon het.