Preekskets:
Die boek Handelinge word in die Bybel aangedui as “Die Handelinge van die apostels”. In werklikheid verduidelik Lukas dat hy nou ‘n vervolg skryf op die evangelie. Hy wil vertel wat die Here Jesus sedert sy hemelvaart gedoen het. Dit gaan dus ten diepste oor die handelinge van Jesus Christus ondermeer deur sy apostels.
Treffend word dit verwoord in ons gelese Skrifdeel. Te midde van ‘n vyandige stryd van die wêreld teen die kerk, merk ons hoe Jesus as Koning aan die regterhand van God, alles beheer. Die mag van die Bose is verward, terwyl die diensknegte van die Here op hulle pos staan en hulle roeping met eer uitleef.
Dit is hierdie waarheid en versekering wat so dringend nodig is in hierdie eeu. Die Here het ons uit die gevangenis van sonde uitgelei, nie om van alles te ontsnap nie, wel om ons roeping, met sy woord in ons hart, uit te leef. Hoe? Ek moet eerder aan God gehoorsaam wees as aan mense! Daartoe gee die Heilige Gees ons die krag.
