Preekskets:
Die vyfde bede van die Onse Vader gebed, “Vergeef ons ons skulde, soos ons ook ons skuldenaars vergewe”, is ʼn voortsetting van al die voorafgaande bedes. Dit is ʼn opregte soeke na ʼn lewe wat God se Naam heilig, in sy Koninkryk, volgens sy wil, sodat ons die genade wat Hy ons skenk ook kan uitleef teenoor ander.
Hierdie bede sê in wese drie dinge: (1) Dit is ʼn skuldbelydenis; (2) ʼn Versoek om ons skuld te laat afskryf; en (3) ʼn Opregte voorneme om ons vryheid in dankbaarheid teenoor ons naaste uit te leef.
