Preekskets:
Ons trek vandag in ons reeks oor gebed by die vierde bede van die “Onse Vader gebed”.
Die eerste drie bedes het ons duidelik geleer dat ʼn gebed nie by ons begin nie, maar by God. Dit gaan in alles oor God. Tog het ons as mens ook ons plek in die gebed, want dit is immers ʼn gebed wat die Here ons leer om te bid. Wanneer dit egter by “ons” kom in hierdie gebed, dan is dit nie as ʼn “reg” wat ons nou toekom nie, maar as ʼn baie logiese uitvloeisel van die eerste drie bedes. God wil en sál ons versorg met ons daaglikse brood, sodat sy Naam geheilig kan word, sodat sy koninkryk kan kom en sodat sy wil kan geskied.
