Preekskets:
Die gelowige moet weet hoe hy die gawes van die Gees moet benut.
Ons Christenskap behels dat ons deel het aan die salwing met die Heilige Gees net soos ons Here Jesus Christus. Alles kom uit die hand van die Here. Dit hou in: JY IS PRIESTER IN DIENS VAN DIE HERE. Die een groot eienskap van ‘n priester is dat hy dien! Hierdie dienswerk word gekenmerk deur drie deugde wat deel uitmaak van die vrug van die Gees. Dit is: lankmoedigheid, vriendelikheid en goedheid. Maar wat is dit? Hoe raak dit jou en my lewe?
In skrille kontras hiermee staan die werke van die vlees – jaloersheid, toornigheid, naywer, tweedrag, partyskap. Dit moet met volle inspanning beveg word.
Die Here leer ons met sy voorbeeld in woorde en dade om Hom en ons naaste voluit te dien.
