Hervorming, is om jou belydenis oor Jesus Christus ernstig op te neem.
Dit gaan alles oor Hom. Hy is die Seun van die lewende God. Hy is die Hoof van sy kerk. Hy is die Woord van God.
Daarom, luister na Hom. Reageer op sy Woord. Bely Hom en glo in Hom. Keer altyd terug na Hom toe.
Dit is ’n wonderlike geskenk van God af om dit te kan doen.
Vanaf hierdie Sondag af begin ons met Romeine 9 tot 11. Paulus behandel hier ’n moeilike vraag: As so baie Israeliete Jesus Christus verwerp het, het God se beloftes aan Israel dan misluk?
Die Nagmaal herinner ons aan die vaste grond van ons hoop: Jesus Christus het sy lewe vir ons gegee en ons met God versoen. Tog leef ons steeds in ’n wêreld van versoeking, lyding, swakheid, verlies en dood.
Romeine 8 begin met die evangelie: “Daar is dan nou geen veroordeling vir diegene wat in Christus Jesus is nie.” Dit is God wat deur Christus gedoen het, wat ons nie kon doen nie. Daarom staan ons vrede met God nie op ons eie gehoorsaamheid nie, maar op Christus.
