Preekskets:
Verlede Sondag het ons uit Hebreërs 9 en 10 geleer hoe die Here ons dringend aanmoedig om standvastig in ons geloof te volhard. Om nie slap te lê of te begin terugsak nie.
Vandag leer ons uit Hebreërs 11 en 12 hoe so ‘n standvastige geloof lyk. Die Here gee hierdie opdrag nie sonder rede of waarskuwing nie. Hy is inderdaad ‘n verterende vuur en duld nie halfhartigheid nie. Maar Hy is ook ‘n genadige en barmhartige God, en gee nie hierdie opdragte aan ons sonder om ons ook die vermoë te gee om dit te kan nakom nie.
