Preekskets:
Die lewensvraag: Wat maak jy met God se Woord in jou lewe? Lewensvraag – omdat die Here sy seën van verlossing uitspreek oor diegene wat sy woorde van harte opneem.
• Dit is die openbaring van God deur Jesus Christus aan Johannes oor dinge wat binnekort gaan gebeur want die tyd is naby!
• Dit is so belangrik om te besef dat Johannes hier getuig van die woord van God en die getuienis van Jesus Christus – hy beklemtoon dat hy met gesag en in waarheid praat.
• Drie reaksies word beklemtoon oor wat God die Here van ons verwag oor sy getuienis of
profesie:
➢ Hierdie woorde moet gelees, voorgelees, hardop gelees word;
➢ Hierdie woorde moet gehoor word, daar moet dus werklik geluister word;
➢ Hierdie woorde moet bewaar word, in die hart en gedagtes gekoester word en dit aanwend as die GPS van jou lewe.
• Hieruit volg die rede waarom dit ‘n lewensvraag is: “want die tyd is naby.” Tyd is kosbaar en kan nie verkwis word nie. Dit moet uitgekoop, benut word!
• Die blye woord is dat Jesus Christus die openbaring van God ontvang. Die profesie wat vir die mens wat so wandel sê: Jy is salig, ‘n verloste. Jy kan met afwagting uitsien na die heerlikheid wat in Christus Jesus weggelê is.
• Jong seuns en dogters gryp die geleentheid. Maak hierdie goeie gebruik die kenmerk van julle lewenswandel.
