Preekskets:
In ons vorige preek het ons uit Kolossense 4 geleer dat ons woorde altyd van goeie smaak moet getuig, met sout besprinkel. Ons hoor iets van die gesegde: “Jy kan ʼn perd tot by die water bring, maar hom nie maak drink nie. Maar jy kan hom sout gee.”
Met ander woorde, die inhoud van ons woorde, “die sout”, moet mense laat dors na die Here, sodat hulle self by Hom die lewende water kan kom soek.
Prakties beteken dit daardie “sout” is Christus. Ons moet van Hom getuig.
Vandag leer ons uit Jesus se gesprek met ʼn Samaritaanse vrou, hoe ons as gelowiges, mense na Hom toe kan bring deur ons getuienis, sodat Hy hulle dors kan les met lewende water.
