Preekskets:
Ons vier vandag die Heilige Nagmaal van die Here. Die Nagmaal dien as ʼn herinnering en verkondiging van Jesus Christus se daad van versoening. Hoe Hy die prys vir ons versoening betaal het met sy liggaam en bloed.
Wanneer jy die simbool van die brood sien en deel neem daaraan, dink aan hoe die Here Jesus met sy liggaam betaal het vir jou sondes. Wanneer jy die simbool van die wyn sien en deelneem daaraan, dink aan hoe sy bloed gestort was sodat jy daardeur skoon gewas voor God kan staan.
Hy het eenmaal die volle prys betaal, sodat ons vir ewig met God versoen kan wees.
