Preekskets:
Ons is besig om te kyk na Jesus se sewe “EK IS” uitsprake in die evangelie van Johannes.
Vandag fokus ons in die 6de uitspraak op Jesus wat sê: “EK IS die weg en die waarheid en die lewe.”
Hierdie keer hoor ons Jesus se uitspraak in ’n ander konteks. Geen wonderwerk en geen gelykenis. Slegs die suiwer feit. HY IS die WEG, die WAARHEID, en die LEWE.
Oor die “LEWE” het ons in sy vorige uitsprake duidelikheid gekry. Dit is die ewige lewe. Maar wanneer Jesus openbaar dat Hy die “WEG” en die “WAARHEID” is, is dit duidelik dat daar net een regte pad na die ewige lewe toe is, en dit is deur Hom.
