Wat is God se plan?
’n Bose komplot vir moord.
Vals getuienis uit elke oord.
Mense oorweldig deur haat… Ons sien die hoogste vorm van verraad.
’n Onskuldige voor die hof… ’n Situasie wat enige oomblik kan ontplof!
Een bewaar om te getuig.
’n Ander oorgelewer,
die skepping kan juig!
Dit is God se plan:
Christus se dood;
Bevryding uit my nood.
Die kruishout getuig;
Sodat ek saam kan juig!
As God se genade groter is as ons sonde, beteken dit ons kan maar aanhou sondig? Paulus antwoord met sy sterkste moontlike ontkenning: “Hoegenaamd nie!” Die rede is nie eerstens omdat sonde verkeerd is nie, maar omdat God iets ingrypend met elke gelowige gedoen het.
Genesis 5:1-3; Johannes 3:1-16
In Romeine 5 wys Paulus op die wonderlike vrug van regverdigmaking deur die geloof. Omdat Christus ons skuld gedra het, het ons nou vrede by God. Hierdie vrede is nie bloot ’n innerlike gevoel nie, maar die herstel van ons verhouding met God. Waar daar voorheen vyandskap was, het God deur Jesus Christus versoening bewerk.
