Preekskets:
Die parallelle tussen Paulus en Christus se verhore is eenvoudig te duidelik om te ignoreer.
Jesus was geklap deur een van die tempelwagte… Paulus word in opdrag van die hoëpriester op die mond geslaan…
Jesus vat die hoëpriester aan oor die onskuldige aanranding…
Paulus doen dieselfde, en word tereggewys omdat hy met minagting met die hoëpriester praat. Hy erken sy fout en vra om verskoning omdat hy weet mens mag nie sleg praat van jou meerdere nie.
Jesus daarenteen, nadat dit onder sy aandag gebring word dat dit die hoëpriester is met wie Hy praat, stel sy saak sonder verskoning….. want Hy is die Meerdere, en daar is geen skuld of sonde in Hom nie.
Christus het geweet en verstaan wat die pad is wat vir Hom en sy volgelinge uitgelê is deur die Vader. In Johannes 16 verduidelik Hy dit vir sy dissipels, en troos hulle met hierdie enkele maar kragtige woorde: “In die wêreld ervaar julle swaarkry; maar hou moed, Ek het reeds die wêreld oorwin.”
Hy troos Paulus in sy omstandighede met presies dieselfde woorde: “Hou moed! Want net soos jy in Jerusalem oor My getuig het, so moet jy ook in Rome getuig.”
’n Besonder kragtige stelling…. “Hou moed!”
Min woorde… met ontsaglike diepte…
