Skrifgedeelte:
Skrifgedeelte: Romeine 7: 1 – 13 (2020)
Fokusverse: Romeine 7: 12 en 13
Liturgie:
Vooraf
Selfstandige Skriflesing: Jeremia 31: 31 – 34 (2020)
Ontmoetingsdiens
Intreelied: Psalm 19-1: 1, en 4; Votum; Groetseën; Loflied: Psalm 111-1: 1, 2 en 5; Geloofsbelydenis (12 Artikels);
Verootmoedig en versoeningsdiens
Wet: HK So.44 V&A 113, 114 en 115; Verootmoedigingslied: Psalm 32-1: 1 en 3;
Woorddiens
Gebed;Skriflesing; Prediking;
Antwoorddiens
Gebed; Liefdegawes; Slotsang: Psalm 103-1: 1, 3 en 9; Uitstuurseën. (Amen – SB 13-3)
Preekskets:
In die afgelope weke het ons gesien hoe God sy kinders met Homself versoen, hulle met Christus verenig en hulle uit die slawerny van die sonde bevry om Hom te dien. Nou antwoord Paulus ’n nuwe vraag: As gelowiges nie meer onder die wet is nie, beteken dit dat die wet die probleem is?
Sy antwoord is duidelik: Hoegenaamd nie!
Die wet is heilig, regverdig en goed. Dit is nie God se wet wat die mens vernietig nie, maar die sonde wat selfs God se goeie wet misbruik. Juis daarom openbaar die wet die ware aard van ons sonde en leer dit ons hoekom ons Christus waarlik nodig het.
Lees hierdie week Romeine 7:1–13 en let op hoe Paulus die wet verdedig, maar die sonde ontmasker. Vra jouself af: Is ek geneig om my sonde te verskoon of die blaam te verskuif, of laat ek God se Woord my hart eerlik ondersoek? Dank die Here dat Hy nie net ons sonde openbaar nie, maar ons ook aan Christus verbind, sodat ons vir Hom vrug kan dra.
