Preekskets:
Ons het tot dusvêr uit die Kategismus ’n deeglike verstaan ontwikkel van ons ellende en noodsaak van verlossing. Al wat ons kan verlos is Christus in sy volheid. Ten volle mens, en ook ten volle God.
Dit is waaraan die simboliek in die Nagmaal ons herinner. Dat Christus as mens werklik liggaamlik betaal het vir die sondes van die mens toe sy liggaam aan die kruis gebreek, en sy bloed vergiet was. Maar as God het Hy die soewereine mag gehad om terselfdertyd die toorn van God te kan dra, en oorwin.
Christus is nie net ’n besonderse “mens” nie. Hy is God, wat Homself na die mens toe neergebuig het en met ons bemoeienis gemaak het, sodat ons weer in sy heilige teenwoordigheid kan wees. Nie meer van Hom vervreem nie, maar nou met Hom versoen. Dink daaraan wanneer jy die brood sien wat gebreek word soos sy liggaam gebreek was, en die wyn vergiet word soos sy bloed vergiet was.
“God het Homself in die plek van mense gegee.”
