Preekskets:
Na ’n deeglike besef van ons ellende, is ons verlange na verlossing van nature soveel groter. Maar die “menslike” vraag is altyd: “Wat kan ek bydra tot my verlossing?”
Is dit vir my enigsins moontlik om my eie verlossing te bewerk? Het ek geen aandeel daarin nie? As dit nie moontlik is nie, wie gaan dit dan doen? Kan iemand anders…, ’n ander mens…, ’n ander skepsel…?
Hoe sal my verlosser dan moet “lyk”?
Wie sal dan my verlosser moet “wees”?
Paulus wys mooi in Romeine vir ons dat dit God is wat ons verlos. Ons verlossing berus 100% op God se barmhartigheid, en Hy doen dit in Christus. Daarom is geloof in Christus so belangrik.
