Preekskets:
In Lukas 24 sien ons die wonder van Christus se opstanding uit die dood. Hy was drie dae in die graf, maar is op die derde dag opgewek. ’n Aantal vroue het die leë graf gesien, ’n boodskap van Engele ontvang, en het daardie getuienis aan die ander dissipels gaan vertel.
Tog lees ons van twee dissipels wat op pad na die dorp Emmaus ’n ontmoeting met die opgestane Jesus gehad het, en vanweë hulle twyfel Hom nie dadelik herken het nie. Dit was eers nadat Jesus die Skrifte aangaande Hom vir hulle uitgelê het, en hulle die simboliek van die brood wat gebreek word gesien het, dat Jesus hulle oë van geloof opnuut
geopen het.
Mag die Here vandag wanneer ons tot sy gedagtenis deelneem aan die fees van die Nagmaal, ook ons oë van geloof opnuut so open.
