Preekskets:
Was jy al iewers uitgestoot gewees? Het jy al gevoel almal is teen jou?
- Met watter wonders begin Matteus? Matteus skrywe aan die Jode en wil hulle oortuig dat Jesus die Messias is wat gekom het om die siekes en verstotenes te red, soos die profete getuig het (Bv. Jesaja 53:4).
- Waarom genees Hy ‘n melaatse? ‘n Melaatse is ‘n uitgewekene. Vir die Jode was ‘n melaatse ‘n vervloekte sondaar. Jy
vermy hom en hy mag nie naby die stad en sy mense kom nie. Vir die Jode was ‘n melaatse ‘n dooie. Jesus gee weer lewe aan hierdie veragte en verstotene terug. Hy verbind hom weer met sy gesin, sy volk en sy God. Ons was ook verstotenes, onder die toorn van God vanweë ons sondes. Jesus versoen ons weer met God en verbind ons met ‘n geloofsfamilie. - Watter plek neem die genesing van die melaatse in? Jesus herstel die lewe van die verstotenes en uitgeworpenes. Miskien voel jy soos ‘n uitgestotene in die samelewing, kerk of dalk by die skool of werk. Jesus red ook die randfigure; mense wat verag word, verstoot word. Hy sien jou raak. Hy ken jou trane. Hy sê vir jou: “Ek het vir jóú gestref! Ek het jou óók lief!” Glo jy dit?
