Preekskets:
Paulus en Timoteus het ’n besondere band gehad. Timoteus was vir Paulus soos ’n seun in die geloof. As mede stryder vir die evangelie het Paulus vir Timoteus bygestaan en hom onderrig. Mens kan sê, Paulus was vir Timoteus ’n mentor gewees.
Reg aan die begin van Paulus se eerste brief aan Timoteus sê hy vir hom om in Efese te bly en daardie dinge klaar te maak wat hulle begin het. Hy moet stry teen valse leer en die evangelie bedien. Hier aan die einde van sy tweede brief is dit steeds die motief van Paulus se brief. “Beoefen jou bediening voluit.”
Soveel as wat hierdie ’n persoonlike brief was, geld die inhoud vir alle gelowiges vandag nog. “Bly nugter… verduur jou leiding… doen jou werk… beoefen jou bediening voluit…
…want dit dra die oorwinningskrans van geregtigheid as beloning.
