Weet jy wat is ’n verbond? Ken jy God se verbond?
Wat is die relevansie van sy verbond vir ons vandag?
’n Begrip van God se verbond gee ’n begrip van genade, belofte en geloof. ’n Begrip van God se absolute soewereiniteit.
Die verbond is ons vertrekpunt om te verstaan hoe God in sy skepping herstel beloof en bewerk het na die sondeval. As dit nie vir sy verbond was nie, was ons totaal verlore. Want deur sy verbond het Hy Homself aan ons verbind.
Vanaf hierdie Sondag af begin ons met Romeine 9 tot 11. Paulus behandel hier ’n moeilike vraag: As so baie Israeliete Jesus Christus verwerp het, het God se beloftes aan Israel dan misluk?
Die Nagmaal herinner ons aan die vaste grond van ons hoop: Jesus Christus het sy lewe vir ons gegee en ons met God versoen. Tog leef ons steeds in ’n wêreld van versoeking, lyding, swakheid, verlies en dood.
Romeine 8 begin met die evangelie: “Daar is dan nou geen veroordeling vir diegene wat in Christus Jesus is nie.” Dit is God wat deur Christus gedoen het, wat ons nie kon doen nie. Daarom staan ons vrede met God nie op ons eie gehoorsaamheid nie, maar op Christus.
