Preekskets:
Gesindheid lê op die ou end aan die wortel van jou optrede.
Jou gehoorsaamheid – jou toegewydheid – jou bereidwilligheid – jou ingesteldheid…
Wat is liefde? Liefde is ’n gesindheid van omgee, toegee, oorgee – uiteindelik ’n bereidwilligheid om “alles” te gee. Liefde is ’n gesindheid wat fokus op die belange van ander. “Nie my wil nie Here, maar U wil…” Hierteenoor is selfsug ’n gesindheid van toe-eien, ont-eien of neem. ’n Totale fokus op die “self”. My waarde, my belange, my “wil”.
Die verskil tussen die twee lê in “waar” jy die waarde plaas. Op jou eie wil (jouself), of God se wil. Christus se voorbeeld is duidelik. “Hoewel Hy in die gestalte van God was, het Hy gelykheid aan God nie beskou as iets om aan vas te klem nie, maar Hy het Homself daarvan leeggemaak, deur die gestalte van ‘n slaaf aan te neem en aan mense gelyk te word.”
