Preekskets:
Verlede Sondag het ons uit Levitikus 16 geleer van die groot versoendag. Daardie dag waarop twee bokke uitgesonder word, een as sondebok “belaai” met die volk se sonde die woestyn ingestuur word ter wille van hulle versoening, en die ander een ter wille van hulle reiniging geoffer word.
Daar is baie simboliek in hierdie seremonie. As deel van hierdie seremonie moes Aäron sekere rituele nakom. Onder andere die wierookoffer wat op ’n sekere manier gedoen moes word. Spesifieke “vuur” en kole wat ook daarvoor gebruik moes word.
Vandag kyk ons vanuit Levitikus 10 na die belangrikheid daarvan dat Aäron dit op ’n baie spesifieke manier moes doen. Die Here aanvaar slegs aanbidding wat gedoen word soos Hy dit verwag. Ongeoorloofde vuur, word gestraf met heilige vuur.
