Preekskets:
Uit ’n gewisse kennis “weet” ek wie die Here is, en deur die krag van sy Gees vertrou ek vas op al sy beloftes. Die twee saam, kennis en vertroue, is die inhoud van my geloof.
Tog sê Paulus dat, al het ek soveel geloof dat ek berge kan versit, het ek steeds niks as ek nie die liefde daarby het nie. Die liefde is die praktiese uitleef van my vaste vertrou in die Here. Die vrug wat ek as gelowige behoort te dra.
En hierin het Christus vir ons voorgeloop as perfekte voorbeeld. God het ons eerste liefgehad, en daarom moet Sy liefde sigbaar wees in my lewe.
