Preekskets:
Die tweede naam wat ons geleer het, van die eerste sewe diakens, was Filippus. Ook hy het kragtig getuig en die evangelie van die koninkryk van God verkondig.
Ons sien in hierdie gedeelte ’n soortgelyke uitdaging as wat onsself ook in vandag se dae teëkom. Die verkondiging van die evangelie kom te staan teen wêreldse vermaak. In hierdie geval, teen ’n towenaar genaamd Simon.
Hierdie kort melding van Simon en sy optrede leer ons iets oor die gesindheid van die wêreld, teenoor die gesindheid wat ons behoort te hê. Die gedeelte in sy geheel leer ons egter ’n volgende les… Dat wêreldse grense geen uitdaging vir God is nie. Inteendeel, God breek wêreldse grense deur die verkondiging van sy evangelie.
Hierdie gedeelte merk een van die “stappe” van die uitbreiding van die evangelie van die koninkryk van God. Dit het begin in Jerusalem… versprei deur die hele Judea… en nou spring dit die “grens” na Samaria… (Hand.1:18)
