Die evangelie van Jesus Christus verander lewens.

Preekskets:

Filippus sit sy reis en bediening voort. Hy ontmoet ’n Ethiopiër wat besig is om te lees uit die profeet Jesaja, en dan verklaar hy die woorde vir hom in die Lig van Christus.

Nog ’n grens word gebreek! Hierdie keer ’n fisiese (liggaamlike) grens. Een wat van te vore ’n vereiste was om deel te word van die verbondsvolk van God. Hierdie man kon nie die “ou” teken van die verbond ontvang nie, maar deur die “nuwe” word hy ingesluit.

Dit is op grond van sy geloof in Jesus Christus. Al hoe hy kon leer en hoor van Christus, was deur die verkondiging van die evangelie…. en Filippus doen dit vanuit die Ou Testament, vanuit Jesaja 52 en 53 – “Die lydende dienskneg”, wys hy na Christus.

Video Opname:

Deur Ds. Riaan Andersen

September 22, 2024

n

Preke

Oggenddiens

Ander Preke:

Christus: Die Geestelike Water uit die Rots, vir ’n dors volk.

Christus: Die Geestelike Water uit die Rots, vir ’n dors volk.

Nov 23, 2025

In Eksodus 17 bring die Here sy volk volgens sy eie bevel na ’n plek sonder water. Refidim is nie ’n ongeluk nie, maar ’n goddelike ontmoeting. Israel se dors wys die toestand van hulle hart — hulle verwyt Moses en vra: “Is die HERE in ons midde of nie?” (v.7). Hierdie vraag is nie net onsekerheid nie, maar is die diepste wortel van ongeloof. Dit is om God se karakter, trou en nabyheid te bevraagteken.

Christus: Die Hemelse Brood vir ’n honger volk.

Christus: Die Hemelse Brood vir ’n honger volk.

Nov 16, 2025

In Eksodus 16 bring God sy volk die woestyn in – nie om hulle te straf nie, maar om hulle te leer. Die volk kla omdat hulle honger is, en dan antwoord die Here met genade: “Kyk, Ek gaan vir julle brood uit die hemel laat reën…” (v.4) So openbaar Hy Homself as die God wat voorsien, selfs wanneer sy volk mor.

Deur die water van oordeel tot lewe in Christus.

Deur die water van oordeel tot lewe in Christus.

Nov 9, 2025

Israel staan vasgekeer tussen die Farao se leër en die Rooi See — vasgevang tussen doodsvrees en waters van verlossing. Verblind deur vrees en twyfel kla hulle teenoor Moses en die Here, maar die Here antwoord hulle deur sy dienaar: “Moenie bang wees nie! Staan stil en aanskou die verlossing van die Here wat Hy vandag vir julle gaan bewerk.” (v.13)