Preekskets:
Hierdie gedeelte leer ons van “EENHEID”, “GAWES”, “OPBOU” en “GROEI” na Christus toe.
Ons is EEN NUWE MENSHEID, saamgebring in sy EEN KERK, waarin Hy ons toerus met ’n verskeidenheid van GAWES deur sy EEN GEES, sodat ons “toegerus” mekaar kan dien tot OPBOU van sy EEN LIGGAAM, en so in alle opsigte GROEI na Hom toe.
Sy uiteindelike doel met dié gawes is om groei tot volwassenheid in Hom te bring. Daarom is hierdie gawes se bedoeling nie alleenlik vir gebruik IN die “gemeente” nie, maar juis vir gebruik TOT die opbou van “Sy Liggaam”. Dit beteken die vrug van hierdie gawes moet uitvloei uit die gemeente uit.
Binne-in die gemeente moet ons mekaar deur hierdie gawes toerus, sodat elke lid sy roeping waarmee hy geroep is waardig kan wees.
