Preekskets:
In hierdie Skrifgedeelte leer ken ons ’n stad genaamd Antiogië.
Multikultureel, strategies ideaal geleë as skakel tussen die weste en die ooste, ekonomies en polities ’n baie belangrike stad, die derde grootste stad in die Romeinse ryk. Maar van al die dinge wat hierdie stad so prominent gemaak het, is dit sy plek in die geskiedenis van die kerk wat voorop staan.
Daar was ’n besonderse gemeente. ’n Gemeente wat nie bekend gestaan het as “Joods” of “Heidens” of ’n kombinasie van “Jode en Heidene” nie, maar as Christene. In Antiogië was die dissipels (die gelowiges) vir die eerste keer Christene genoem. In ware eensgesindheid vat hulle hande met ander Christen gemeentes, want dit is die een kerk van die Here Jesus Christus.
Barnabas was eers na hulle toe gestuur, maar Antiogië word later self ’n stuurende gemeente.
