Konflik! Wie van ons gaan deur die lewe sonder konflik? Hoe hanteer mens konflik? Waaroor gaan dit eintlik?
Laasweek het ons geleer: “Soek eers die koninkryk van God…” Maar waaroor gaan die koninkryk van God? Paulus leer ons: Die Koninkryk van God gaan oor Geregtigheid, en Vrede en Blydskap in die Heilige Gees. Moenie toelaat dat enigiets jou fokus daarvan aftrek nie.
Vra altyd eers: “Soek ek nou my eie eer…, of soek ek die Here se eer?”
Vanaf hierdie Sondag af begin ons met Romeine 9 tot 11. Paulus behandel hier ’n moeilike vraag: As so baie Israeliete Jesus Christus verwerp het, het God se beloftes aan Israel dan misluk?
Die Nagmaal herinner ons aan die vaste grond van ons hoop: Jesus Christus het sy lewe vir ons gegee en ons met God versoen. Tog leef ons steeds in ’n wêreld van versoeking, lyding, swakheid, verlies en dood.
Romeine 8 begin met die evangelie: “Daar is dan nou geen veroordeling vir diegene wat in Christus Jesus is nie.” Dit is God wat deur Christus gedoen het, wat ons nie kon doen nie. Daarom staan ons vrede met God nie op ons eie gehoorsaamheid nie, maar op Christus.
