Preekskets:
Soms bereik ons in die kerk van die Here tye van uitdaging of bedreiging. Dit is nie vir ons vreemd nie, want ons weet die Here Jesus het sy dissipels hierop voorberei.
Maar hoe hanteer mens hierdie situasies in praktyk, veral as dit gaan oor bediening?
In Handelinge 6 sien ons die verkiesing van die eerste sewe diakens. Maar wat het aanleiding gegee hiertoe? Dit was ’n bedreiging… ’n Situasie wat gedreig het om die kerk van die Here te belemmer. So, wat doen hulle toe?
Die apostels spreek die uitdaging aan op die beste praktiese manier. Die Woord van God bly sentraal, en mag nie afgeskeep word nie. Vir alles gebruik ons die gawes soos die Here dit in die gemeente gee.
