Die tyd is kort na Pinkster – die uitstorting van die Heilige Gees. Vol van die Heilige Gees bevind Petrus en Johannes hulle op die tempelterrein. Deur die genesing van ‘n verlamde sedert sy geboorte, was die aandag van die skare op hulle gefokus. Daar gebruik hulle toe die geleentheid om die Naam, Jesus Christus te verkondig as die enigste Iemand waardeur ons verlos kan word.
In die oproer in Efese sien ons God se hand van trou, as Hy Paulus bewaar teen potensiële vervolging. Selfs toe Paulus deur Sirië wou reis, lei God hom op ’n veilige pad. Als volgens God se wil en beloftes.
Deel van ons voorbereiding vir Nagmaal is om na te dink oor ons sonde en verlorenheid. Dit beteken ek dink opreg na oor wat die Here van my verwag en sien in myself al die gebrekkigheid.
Ons ontmoet in die laaste deel van Handelinge 18 vir Apollos. ’n Welsprekende man wat goed onderlê was in die Skrifte. ’n Leraar wat die mense in Efese onderrig het aangaande Jesus. Maar een ding het nog ontbreek…. sy verstaan van die doop….
