Preekskets:
Die Prediker bring ons by twee pole van ons lewe, te wete:
- Die sinlose, totale sinlose en tevergeefse lewe sonder God en
- Die betekenisvolle, absolute doelmatige lewe met God.
Vanuit die voorbeelde word die sinlose uitgelig – onderdrukking sonder troos; inspanning en kundigheid wat lei tot n gejaag na wind; alleenheid wat lei tot ‘n onversadigbare drang om rykdom.
Dan die betekenisvolle – twee is beter as een ten opsigte van inspanning, val en opstaan, warmte en veiligheid.
Die mees betekenisvolle lê in die driedubbele koord wat nie maklik breek nie. Twee gaan oor in drie. Ons sien hierin die HERE as die Een wat saambind en by mekaar hou. Die duidelikste voorbeeld daarvan is ons Here Jesus Christus wat as Hoof van sy kerk almal saambind tot ‘n betekenisvolle liggaam en bruid van Christus.
