Preekskets:
In hierdie tweede preek in ons reeks oor Kolossense sien ons hoe Paulus verder fokus op die Here Jesus Christus se Godheid, asook sy oorwinning oor die sonde en die dood deur sy sterwe en opstanding, en die nuwe lewe wat vir ons by God behoue is, weens sy Hemelvaart.
Die feit dat Jesus die sonde en die dood as mens oorwin het, en lewe, is ons waarborg van ons eie oorwinning en lewe. Daarom stuur Hy vir ons sy Gees, want ons het saam met Christus die sonde afgesterf, en is in Hom weer gebore tot ʼn nuwe lewe. Dit is, wedergeboorte deur die Gees. Daarom behoort ons fokus tydens ons aardse lewe nie op die wêreldse dinge te wees nie, maar juis op die hemelse en die Geestelike.
Die doop simboliseer weereens vandag vir ons hoe ons skoongewas van ons sondes voor God kan staan, op grond van Christus se verdienste.
