Preekskets:
Ons is besig om te kyk na Jesus se sewe “EK IS” uitsprake in die evangelie van Johannes. Vandag fokus ons op Jesus wat sê: “EK IS die deur vir die skape” en “EK IS die goeie herder.” Hierdie keer doen Jesus nie ’n wonderwerk om sy openbaring uit te beeld nie, maar verduidelik dit deur middel van ’n gelykenis. Dit bou voort op die gedagte van geestelike blindheid waarvan ons laasweek gehoor het. In hierdie geval, amper soos geestelike doofheid.
Daar is net een manier vir skape om in die kraal te kom. Hulle moet deur die kraal se hek/deur ingaan. Hulle moet die herder volg (na sy stem luister) sodat Hy hulle by die regte hek kan bring. Jesus sê duidelik dat sy skape Hom ken en na sy stem luister.
In die viering van die Heilige Nagmaal gedenk ons vandag dat Jesus Christus die Goeie Herder IS wat sy lewe vir sy skape afgelê het, sodat hulle deur Hom in die “kraal” van die ewige lewe kan ingaan.
