Preekskets:
Toe Christus se tyd van verheerliking aangebreek het, was sy gebed kort en kragtig: “Vader verheerlik U Naam!” Hy was die Lig wat na die wêreld gekom het om die pad na die Vader te verlig.
Sy verheerliking was nie soos wêreldse mense verwag het, ’n “troon bestyging” in die aardse sin van die woord nie, maar Hy moes wel “verhoog” word.
Verhoog in die sin daarvan soos die slang eens in die woestyn op ’n paal verhoog was tot redding van Israel, maar in besonder verhoog tot sy regmatige plek aan die regterhand van die Vader. ’n Troon bestyging op ’n heel hoër vlak.
Sy kruisiging was deel van sy verhoging en verheerliking. Vir ons, tot redding! Die kruis skyn as simbool van die versoening wat Hy om ons ontwil gedoen het, sodat sy Vader daardeur verheerlik kan word. Glo daarom in Hom, jou Lig, sodat jy ’n mens van die Lig kan wees!
