Preekskets:
In ons verhouding met die Here, soos in enige verhouding, is kommunikasie van kritiese belang. “Praat en luister”. Wedersydse kommunikasie! Wanneer ons luister, luister ons na God se Woord. Wanneer ons praat, doen ons dit deur sang en gebed.
In Psalm 50 leer die Here ons dat gebed die offer van lofprysing is wat ons aan Hom verskuldig is, en dat ons dit met die regte gesindheid moet doen. ʼn Gesindheid van dankbaarheid. In die kategismus bely ons dan dat gebed die vernaamste deel van ons dankbaarheid is wat God van ons eis. Die grootste deel van die dankbaarheidsoffer wat God van jou verwag, is GEBED!
Die belangrike plek van gebed in die lewe van ’n gelowige kan nie oorbeklemtoon word nie. Asemhaling bestaan nie net uit inasem nie, maar ook uitasem. Net so bestaan ’n verhouding nie net uit luister nie, maar ook praat.
Kom ons leer oor die volgende paar weke saam as gemeente wat presies ons “praat” behels.
